Kirste Paltto ja Laila Labba (ill.) leaba nominerejuvvon Davviriikkalaš Ráđi mánáid- ja nuoraid 2021 girjjálašvuođa bálkkašupmái

Jođašeaddji nástiNeahttagávppis
Girječálli Kirste Paltto
Girječálli Kirste Paltto
Govva: Kimmo Pallari, Roifoto
Sárgu Laila Labba
Sárgu Laila Labba
Govva: June Bjørnback

Jođašeaddji násti lea nomi­nere­juv­von Davvi­riikka­laš Ráđi mánáid- ja nuo­raid 2021 girj­já­laš­vuođa bálkka­šup­mái.

Kirste Paltto lea čál­lán ođđa imaš­laš mátki birra ja dán vuoro Ritni ja Urbán áiguba vuol­git Jođašeaddji nástti mielde jođa­šit guh­kás gomu­vuh­tii gos orruba njeal­lje­oaiv­vat stállu ja mánno­lak­kis.

Laila Labba lea illustreren girjji.

Ritni ja Urbán leaba dál beassa­min fas ođđa imaš­laš fea­rá­niidda, go stoah­kan­šil­ljus lei uhca ruoná spáp­paš mii čuovggá­halai ja báhca­dii, ja stuo­rui ja fas unnui ja šuoŋa­halai han vel: dil dili diŋ, di dili diŋ, dil …

Iđđes árrat soai doami­heaba fas stoah­kan­šil­ljui, gos ikte oidnui ruoná spábba ja mii fáhkka lei jáv­kan. Dál gándda­guovt­tos ohcaba spáppa. Spábba fieri­hii sutno ovdda­beal­lái ja stuo­rui muo­raid mahtá­saž­žan. Ruoná bivt­tas gánda vie­gai lasta­nađa mielde ja hást­tii sutno mielde jođa­šit, vaikko mán­nui de …

Jođašeaddji násti mielde sáht­tet sii joh­tit guh­kás gomu­vuh­tii, gos orruba njeal­lje­oaiv­vat stállu ja mánno­lak­kis.

Kirste Paltto

Kirste Paltto orru dál Roavvenjárggas. Son ain duos dás leah­kasta máin­nas­giissá gos ald­dis leat árbe­viro­laš máin­nas­teami árt­nat ja dud­djosta ođđa sátne­dujiid.

Máŋggat Paltto girj­jiin leat jorga­luv­von dahje jo oasit girj­jiin leat jorga­luv­von eará gie­laide. Paltto lea ožžon bálk­ka­šu­miid dahje jo lea­maš evt­to­huv­von bálk­ka­šu­miide.

Son oaččui Suoma Sámedikki girj­já­laš­vuođa bálk­ka­šumi 1995:s ja riik­kaid­gas­ka­saš Helen-bálk­ka­šumi seamma jagi.

Girjjiin Suoláduvvan lei Paltto Davviriikkalaš Ráđi girj­já­laš­vuođa bálk­ka­šumi evt­to­has­san 2001:s.

2017:s lei son ges Davviriikkalaš Ráđi mánáid- ja nuo­raid girj­já­laš­vuođa bálk­ka­šumi evt­to­has­san girj­jiin Luohtojávrri oainnáhusat ja 2021:s vuit­tii son Sámeráđi girj­já­laš­vuo­đa­bálk­kašumi seamma girj­jiin.

Oassi su bibliografiijas

Vilges geađgi
Suoláduvvan
Lieđđi Sámecus
Luohtojávrri oainnáhusat

Laila Labba

Laila Labba lea 25 jah­ká­saš ja orru Kárášjogas. Jođašeaddji násti lea vuost­tas girji maid son lea illust­re­ren. Lassin leat sus illust­ra­šuvn­nat oahp­po­girj­jis ja son lea maid illust­re­ren ja háb­men gir­je­olg­goža Sáve Sápmi gir­jái.

Labba lea vázzán 2 jagi Kárášjoga dáid­da­skuvl­las ja 3 jagi bachelor illust­ra­sjon, University of Huddersfield:as. Dál bargá son aspi­ran­tan Sámi dáid­da­guovd­dá­žis Kárášjogas.

Liŋkkat

Nordisk råd (Davviriikkalaš Ráđđi)

Oktavuohta