Kirste Paltto lea nammaduvvon Davviriikkalaš Ráđi 2017 mánáid- ja nuoraid girjjálašvuođabálkkašupmái
Luohtojávrri oainnáhusat
Luohtojávrri oainnáhusat lea nammaduvvon buoremus mánáid- ja nuoraidgirjji 2017 bálkkašupmái.
Govven: Kimmo Pallari. Roifoto
Kirste Paltto lea čehpet čállán máidnasa gándda guovtto Ritni ja Urbán ja sudno gelddolaš mátkki birra Lavssiin. Mátkkis leat olu imašlaš ja somás fearánat.
Čálli Kirste Paltto lea vuot burgán máinnasgiissá ja osiid dološ oskkus ja geavahan daid vuođđun hukset mánáidromána Luohtojávrri oainnáhusat.
Su buvttadus lea árvvusadnon, dasgo oassi lea jorgaluvvon eará gielaide, ja Paltto lea maid ožžon bálkkašumiid dahje leamaš evttohuvvon bálkkašumiide.
Paltto oaččui Suoma Sámedikki girjjálašvuođa bálkkášumi 1995:s ja riikkaidgaskasaš Helen-bálkášumi earret eará iežas barggu ovddas seailluhit ja ovddidit sámegiela ja kultuvrra čállima bokte. Noveallačoakkáldat Suoláduvvan lea jorgaluvvon dárogillii (Stjålet) ja lei Davviriikkaid ráđi girjjálašvuođabálkášumi evttohassan 2001:s, ja čuovvovaš jagi son oaččui Sámeráđi girjjálašvuođa bálkášumi seamma girjji ovddas.
Kirste Paltto ássá dál Roavvenjárggas, ja son golaha áigi nie mo ovdal ge – sátneduddjomiin.
- Davviriikkalaš Ráđi mánáid- ja nuoraid girjjálašvuođabálkkašumi evttohasat
- Preassadieđáhus
- Čállidieđut
- Kirste Paltto Facebook-siidu
- Sunna Kitti ruovttusiidu
Sunna Kitti lea sárgon ivdnás ja čáppa govaid girjái.
