Rauna Paadar-Leivo ja Jovnna-Ánde Vest 40 jagi girječállin
Davvi Girji sávvá Raunai ja Jovnna-Ándii lihku ávvujagiin. Čálli guovttos leaba almmuhan moanaid girjjiid dáid jagiid áigge. Rauna maŋimuš girji Vuoi dan Kárenina ilmmai 2000:s. Jovnna-Ándde maŋimuš romána Anton ja Álgen ges ilmmai 2015:s. Dat lea vuosttaš girji Astrida gilvvagárdi guovtti románas. Goappáge čállis leat ođđa girjjit boađi-boađi.
Rauna Paadar-Leivo
Lea vuosttažettiin dovddus iežas mánáidgirjjiid geažil. Su vuosttaš girji ilmmai 1988:s ja leige mánáid várás: Mo giđđa boahtá Sápmái. Vuoi dan Kárenina-girjji vuođul buvttaduvvui maiddái NRK mánáid-TV-ráidu.
Jovnna-Ánde Vest
Lea čállán rávisolbmuid várás ja vuosttažettiin románaid. Su álgoromána lei Čáhcegáddái nohká boazobálggis mii ilmmai 1988:s. 2003:s oaččui son Sámeráđi girjjálašvuođabálkkašumi románain Árbbolaččat 2. Su girji Árbbolaččat 3 nammaduvvui Davviriikkalaš Ráđi girjjálašvuođabálkkašupmái 2006:s.
