Ođđa oahppobuvtta gaskadássái
Giellabálggis giellagirjjis 7. ceahkkái leat teavsttat, govat ja ovdamearkkat mat addet ohppiide obbalaš áddejumi giellafáttáin.
Kapihttalat álggahuvvojit ulbmiliin mat leat oahppoplána gelbbolašvuođa mihttomearit.
Kapihttalat loahpahuvvojit «Máhtátgo?»-bihtáiguin.
Daid bokte besset oahppit reflekteret ja árvvoštallat iežaset máhtu ja leat go juksan ulbmiliid kapihttaliin.
Gullevaš bargogirjjis Giellabálggis 7 bargogirjjis leat ges bargobihtát giellafáttáide mat leat Giellagirjji 7 girjjis.
Girjái besset oahppit njuolga čállit.
Giellabálggis oahppobuvttaráidu gaskadássái gokčá sámegiela vuosttašgiela oahppoplána gelbbolašvuođa mihttomeriid maŋŋá 7. jahkeceahki.
Giellabálggis fáttát gokčet sihke njálmmálaš ja čálalaš gulahallama mihttomeriid ja maiddái giela, kultuvrra ja girjjálašvuođa mihttomeriid.
Oahppit besset bargat iešguđetge vugiid mielde.
Oktasaš ságastallan fáttáid birra lea guovddážis, ja lassin leat oktagaslaš-, bárra-, oahppanolbmáin- ja joavkobarggut.
Giellabálggis oahppobuktagis eai gokčojuvvo buot lohkan- ja čállinstrategiiját vuđolaččat, eaige leat valjis ovdamearkateavsttat lohkan- ja čállinhárjehallamiidda go ii leat ruhtaduvvon nu.
Daid ferte ohcat eará almmuhuvvon girjjiin.
Oahppobuktagis lea neahttaresursa vel lassin.
Giellabálggis neahttaresursa gárvana 2019:s.
