#giellaspáiddar 2 almmuhuvvon
Buot golbma oasi: girji, digitála girji ja neahttaresursa almmuhuvvon
- girji fágasisdoaluin, valjis bargobihtát ja teavsttat iešguđet šáŋŋeriin
- digitála girji mas sisdoallu lea lohkkon jietnafiilan, ja mas leat liigeresurssat (brettboka.no)
- neahttaresursa mas leat lassiteavsttat, bargobihtát ja oahpaheaddjirávvagat (kunnskap.no)
#giellaspáiddar 2 lea oahpponeavvu joatkkaskuvlla 2. jagi ohppiide geain lea davvisámegiella vuosttašgiellan. Oahpponeavvu čuovvu Fágaođasmahttin 2020 oahppoplána ja heive sihke studerenráhkkanahtti ja fidnofágalaš oahpposurggiide.
#giellaspáiddar 2 girjjis leat 9 kapihttala fágasisdoaluin, ovdamearkateavsttaiguin ja máŋggabealát hárjehusaiguin mat ovddidit ohppiid giellamáhtu ja ovdanbuktingálggaid sihke čálalaččat, njálmmálaččat ja digitálalaččat. Čiekŋalisoahppan, kritihkalaš áddejupmi ja giellagáhtten fuolahuvvojit girjjis. 10. kapihttal lea teakstačoakkáldat válljenmuniin kapihttaliid fáttáide ja girjjálašvuođa áigodagaide.
#giellaspáiddar 2 digitála girji lea oahpponeavvu joatkkaskuvlla 2. jagi ohppiide geain lea davvisámegiella vuosttašgiellan.
Fágasisdoallu ja ovdamearkateavsttat leat lohkkon jietnafiilan ja girjji loahpas leat maid lassiresurssat.
#giellaspáiddar 2 neahttaresursa lea juhkkon girjji kapihttaliid mielde.
Neahttaresurssas leat lassiteavsttat, sihke čálalaš ja njálmmálaš bargobihtát, interaktiiva hárjehusat, liŋkkat ja jietnafiillat teavsttaide.
Oahpponevvui dárbbašuvvo jahkásaš liseansa. Oahpponeavvui beassá dasto Feide geavaheaddjinamain.
