Cuovkanan speajal

Cuovkanan speajal lea novealla­čoak­kál­dat nuoraide mas leat 10 ieš­guđet­lágan novealla sek­suála­laš illas­temiid ja vuortnu­heami birra, fysa­laš ja psyhka­laš veahka­válddi birra bea­raš­okta­vuo­đain, usti­biid gask­kas ja muđui servo­dagas.

Novealla­čoak­kál­dat hás­tala sámi servo­daga, go váldá ovdan vát­tes, muhto oahpes áššiid nugo ieš­vaši, ráh­kes­vuođa seamma sohka­bea­lat olbmui, sek­suála­laš illas­temiid ja digi­tála givssi­deami. Girji lea dehá­laš oai­vil­guoddi dálál­áig­gis, mii ii dušše váldde ovdan dihto hásta­lusaid sáme­nuo­raid ealli­mis, muhto maid­dái univer­sála hásta­lusaid mai­guin nuo­rat deaivi­dit go ohcet ieža­set saji máilm­mis.

Dát noveal­lat heive­jit nuo­raide gas­kal 15 ja 19 jagi, muhto maid­dái eará lohk­kiide. Čálli lea čál­lán fát­táid birra mat ain leat tabu­áššit Sámis. Sámi kul­tuvra lea ain jávo­his kul­tuvra, mas galgá orrut jaska ja ii hál­lat veahka­válddi birra.

Cuovkanan speajal lái­desta lohkki sámi nuora árga­beai­vái. Čálli gask­kusta man mohk­kái lea bajás­šad­dat dálá servo­dagas, seam­más go gieđa­hallá dehá­laš tabu­fát­táid mat leat oahppá­sat nuo­raide ja main sáht­tet oahp­pat. Čálli gov­vida dáhpá­husaid groavvá­sit, justa nugo veahka­váldi lea gillá­jed­djiide, seam­más go lohkki maid­dái sáhttá dov­dat váldo­olbmo bákča­siid ja doaiva­giid.