Davvi Girji lea sámegiel lágádus- ja mediafitnodat Kárášjogas, Norggas. Earet sámegiel girjjid ja oahpponeavvuid fállat grafálas bálvalusaid, giellabálvalusaid (jorgaleami, dulkoma ja TV/VIDEO- sáddagiid tekstema), WEB-hábmema ja CD/CD-R buvttadeami.

1] Tihttelat buvttaduvvon ovdal čavčča 2008
Buot oahpponeavvut ja čáppagirjjálašvuohta mat leat buvttaduvvon ovdal 2008' čavčča, leat nuvttá norgga vuođđoskuvllaide, mánáidgárddiide giellaguovddážiidda ja eará ásahusaide geain lea giellaoahpahus. Frákta- ja doaimmahatgolut bohtet lassin.

Sáhtat viežžat várdosa dás (rev 04.02-2010):

Bokkatalog (norsk) 1,3Mb
Girjekataloga (davvisámi) 1,3Mb
Bokliste (girjelistu) 56Kb

2] Tihttelat Máhttoloktema vuođul ja buvttaduvvon čavčča 2008 rájes
Oahpponeavvut ráhkaduvvon Máhttoloktema vuođul (2008' čavčča rájes) leat mielde Sámedikki "sisaoastinortnegis" vuođđoskuvllaid várás. Dat mearkkaša ahte dát oahpponeavvut maiddái leat nuvttá, muhto dušše fal norgga vuođđoskuvllaide. ja mánáidgárddiide. Dát tihttelat leat merkejuvvon "Nuvttá norgga vuođđoskuvllaide" Arkiivvas. Frákta- ja doaimmahatgolut bohtet lassin.

3] Diŋgojupmi
FUOM! Mii fuomášahttit ahte buktagat namuhuvvon čuoggáin 1] og 2] eai sáddejuvvo automáhtalaččat. Buot kundarat fertejit ieža sáddet diŋgojumi midjiide. Diŋgojumit galget sáddejuvvot e-poastan; web@davvi.no.

MUITTE: Ollislaš fákturačujuhusa
ja ollislaš lágidančujuhusa (jus dát ii leat seamma go fákturačujuhus)
ja diŋgojeaddi nama. Muitte maiddái ISBN-nummira, tihttela ja galle gáhppálaga juohke tihttelis maid diŋgot.

4] Doaimmahatgolut
FUOM! Sivas go mii rehkenastit doaimmahatgoluid tihtteliid logu mielde, de lea álo gánnáhahtti diŋgot eanemus lági mielde tihtteliid ovtta stuorra diŋgojumis go máŋga smávva diŋgojumiin.
   Vuođđomáksomearri lea NOK 42,- vuosttaš tihttela rájes beroškeahttá galle tihttela ja gáhppálaga leat oktiibuot. Dasto lasihuvvo NOK 10,- juohke tihttelii diŋgojumis. Dat galle gáhppálaga diŋgot, ii váikkut doaimmahatgoluide. Doaimmahatgolut gustojit dušše kundariidda geat diŋgojit nuvttá tihtteliid namuhuvvon čuoggáin 1] og 2].

Ovdamearka: Diŋgojumis leat 7 tihttela mas leat x gáhppálaga juohke tihttelis.
Doaimmahatgoluid rehkenastin šaddá ná;

1. tihttel                        NOK 42,-
Eará 6 tihttela à NOK 10,-        NOK 60,-
Doaim.goluid submi                NOK 102,-

5] Frákta
Frákta Posten Norge máksomeriid mielde boahtá lassin. Sáhtát garvit fráktagoluid jus vieččat gálvvuid mis, muhto dalle mii fertet diehtit dán birra buori áiggis. Fuomáš ahte doaimmahatgolut fakturerejuvvojit kundarii beroškeahttá das sáddejuvojit go gálvvut poasvtta mielde vai vieččat go daid mis.