Davvi Girji

Du gálvogore




Du gore lea guorus.

   

Home Ođasarkiiva Áige – Jeaggejávrri čiekŋalasat
Sami (Norway)
Áige – Jeaggejávrri čiekŋalasat PDF Čálit
gaskavahku 14. guovvamánu 2018 12:11

Fantasiijamuitalus nuoraide

Jeaggejávrri čiekŋalasat lea fantasiijamuitalus Áigge mátkkis sámi mytologiija máilmmiin. Muitalus doalvu lohkki čuovvut Áigge gilvvohallama giđđabeaivváža vuosttaš suotnjariin ja go Áige buokčala Sáivomáilbmái ohcat mánnávuođa ustiba. Mátki ovdána bures go Áigges lea ovdamunnin dat ahte son nu bures dovdá gopmiid, skáimmadasaid ja eará fápmooruhiid.

Jeaggejávrri čiekŋalasat-muitalus čájeha fámolaš oktavuođa lundui, hutkáivuođa, roahkkatvuođa ja myhtalaš fámuid mat álo leat gullan sápmelašvuhtii. Oskumušaid geahččaledje dolin duššadit, muhto Áige-muitalus viežžá iežas iešvuođalági vuollánmeahttun árbedieđus dego dat livččii agálaččat duohta. Girji geasuha lohkki noaidelágan fámuinis ja doalvu su rohtašumi máilbmái.

Ante-Aikio

Girječálli Ante Aikio
Govva: Niina Brandth

Sápmelaš girječálli Ante Aikio vuosttaš romána Jeaggejávrri čiekŋalasat almmuhuvvui suomagillii 2014:s, ja lea dál jorgaluvvon sámegillii.

– Lea buorre go girji almmuhuvvo davvisámegillii go dál dat boahtá dan gillii mii lea girjji máilbmái gullevaš giella, dadjá girječálli Ante Aikio.

Davvi Girji lágádus Kárášjogas doaivu ahte Aikio fantasiijaromána lea girji mii geasuha fáttás ja muitalanvuogis beales, sihke nuorra lohkkiide ja eará lohkkiide geat beroštit sámi mytologiijas. Sámegielat lohkkiide soitet girjji persovnnat ja máinnasfuođđut leat oahppásat ja sii dihtet mat leat omd. Njávežan dahje Háhtežan, muhto ovdal ii leat dán hámis sidjiide fállon muitalus.

– Mii dáhttut ahte sámegielat lohkkit besset lohkat sámi kultuvrras bohciidan girjjálašvuođa eatnigillii. Jeaggejávrri čiekŋalasat heive bures dása sihke fáttás ja ođđaáigásaš muitalanvuogis beales.

Girji lea rámi ožžon Suomas ja daddjo ahte dát lea gelddolaš lohkamuššan. Davvi Girji lea ožžon dovddus giellačehpiid ja jorgaleaddjiid Inga Guttorm ja Pekka Sammallahti jorgalit dán girjji suomagielas sámegillii.

Njavezan

Njávešeatni

Hahtezan

Háhtešeatni

Stallu

Stállu

Cahceravga

Čáhcerávga

 

Digitála sátnegirji

533.davvi.no

Sajus web-portála

sajus-web

Arkiiva

Čállinmielas

skrive

Ammal don liikot čállit? Leago dus álo leamaš miella čállit girjji?

Loga eanet

Beroštat go girjjálašvuođas?

Nieida calla

Háliidat go árvvoštallat buktagiid maid mii leat buvttadan?

Loga eanet

Oktavuohta

Davvi Girji as
Postboks 13, Ivvar Ivvár geavli 36
N9735 Kárášjohka / Karasjok
NORWAY
Telefon: (+47) 78469500
E-mail: davvi@davvi.no
Bankgiro: 4901 10 22137
IBAN: NO8649011022137
SWIFT: SNOWNO22

Ođasreive

It sáhte dieđihit dása ovdal maŋŋá beassážiid, go dalle rahppojit ođđa neahttasiiddut.


Navigašuvdna


Ohcansátni
Kategoriija :
Subcategory :

Released :

Language :

Target Group :