Min birra
Davvi Girji ásahuvvui jagis 1990 sámegiel girjelágádussan.
Min višuvdna lea ahte lágádus galgá leat márkanguvllot, ođasmahtti ja njunuš sámi lágádus.
Norggas dahket lágádusa sámegielat girjjit stuorra oasi buot girjjálašvuođas mii lea gávdnomis, beroškeahttá šáŋŋeris.
Min almmuhemiin galgá leat čielga gullevašvuohta sámi servodahkii dahje dat galget válddahallat fáttáid main lea mearkkašupmi sámi servodahkii.
Lágádusa váldogiella lea davvisámegiella, muhto almmuhat maid buktagiid eará gielainge.
Fitnodat lea maŋimuš jagiid ovdánan árbevirolaš lágádusas dasa ahte maid fállat gráfalaš bálvalusaid ja giellabálvalusaid nugo jorgalemiid ja tekstemiid.
Bargoveagas leat 13 čeahpes mielbargi geain lea guhkes ja nana hárjáneapmi.
